Samanburður á gjaldskrám nokkurra sveitarfélaga
Hallgrímur Gíslason varaformaður öldungaráðs Akureyrarbæjar skrifar
Öldungaráð Akureyrarbæjar ákvað að bera saman gjaldskrár nokkurra valinna sveitarfélaga vegna þjónustu við eldri borgara. Starfsmaður Akureyrarbæjar fékk það verkefni að taka þær saman. Síðan tóku fulltrúar EBAK í ráðinu við, bættu við atriðum og aðlöguðu að óskum sínum.
Einn stærsti liðurinn eru fasteignagjöld, sem skiptast í nokkra liði. Samanburður á þeim reyndist erfiður, því þótt prósentan sé misjöfn er fasteignamatið það líka, svo það er eðlilegt að prósentan hjá Akureyrarbæ sé heldur hærri en hjá sveitarfélögunum á höfuðborgarsvæðinu og nágrenni. Auðveldara er að bera saman afslátt af fasteignaskatti fyrir eldri borgara. Hann er alls staðar tekjutengdur, en viðmiðunarupphæðin til að fá fullan afslátt er lítið eitt lægri hjá Akureyrarbæ en flestum hinum. Það sama má segja um mörkin, þar sem afslátturinn fellur niður. Sum sveitarfélög eru með þrepaskiptan afslátt en önnur hlutfallslegan.
Matur í félagsmiðstöðvunum kostar á bilinu 1.020-1.650, en 1.500 hér í bæ. Reyndar er hægt að fá mat í Reykjavík fyrir 940 kr. í fastri áskrift eða með sérstökum matarmiðum. Nauðsynlegt er að geta þess að víðast kemur maturinn í kössum í miðstöðvarnar og er hverjum og einum skammtað þar, en hér kemur hann í bökkum fyrir hvern notanda. Það hefur eflaust áhrif á verðið.
Gjald vegna stuðningsþjónustu er misjafnt eftir sveitarfélögum, sums staðar er gefinn tekjutengdur afsláttur en það er ekki gert hér. Upphæðin hér virðist ívið hærri en í mörgum öðrum sveitarfélögum.
Akstur með ferlibílum er gjaldfrjáls hér, því hann fylgir gjaldskrá strætisvagna. Aksturinn fylgir víða þeirri gjaldskrá, sem er 315 kr. fyrir eldri borgara á höfuðborgarsvæðinu, en á sumum stöðum kostar aksturinn eitt og hálft fargjald, Akureyrarbær á mikið hrós skilið fyrir fríar almenningssamgöngur.
Þjónusta sveitarfélaga í félagsmiðstöðvunum er mjög misjöfn, bæði eftir sveitarfélögum og innan þeirra. Allt frá því að þau sjái alfarið um starfsemina yfir í að notendur sjái um hana alla, nema eldhússtörfin.
Flest bæjarfélögin leggja félögum eldri borgara til frítt húsnæði til eigin þarfa og til félagsstarfs, en sums staðar eiga félögin sjálf slíkt húsnæði eða þá skrifstofu og fundaherbergi. Í þeim tilvikum greiða þau yfirleitt ekki fasteignagjald. Aðrir styrkir til félaganna eru í ýmiss konar útfærslu.
Margs háttar hreyfiúrræði eru í boði hjá sveitarfélögunum og er erfitt að bera þau saman. Á Akureyri er Virk efri ár samvinnuverkefni Akureyrarbæjar og Félags eldri borgara. Þátttaka í því frábæra verkefni hefur aukist mikið á síðustu mánuðum, það er í sífelldri þróun og eiga flestir að geta fundið þar eitthvað við sitt hæfi.
Það er frítt í sund fyrir eldri borgara á höfuðborgarsvæðinu og víða um land, en hér kostar hver miði 330 kr. og árskort 9.000. Sums staðar er sundgjaldið hærra en hér og jafnvel fer árgjaldið upp fyrir 15.000 kr.
Þegar gjaldskrár Akureyrarbæjar eru settar upp er ávallt gerður samanburður við önnur sveitarfélög og er ekki að sjá að bærinn sé eftirbátur annarra nema helst í því að tekjumörk, vegna afsláttar á fasteignaskatti, eru heldur lægri hér en víða annars staðar.
Hallgrímur Gíslason,
varaformaður öldungaráðs Akureyrarbæjar.
Nýjast
-
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna. -
Félagslegt húsnæði í Grímsey Ekkert til fyrirstöðu að selja
Velferðarráð Akureyrarbæjar sér ekkert því til fyrirstöðu að húsnæði í eigu bæjarins verði selt. -
25 ár frá sameiningu Einingar og Iðju
Í dag, 15. maí, eru liðin 25 ár síðan formlega var gengið frá samruna Verkalýðsfélagsins Einingar og Iðju, félags verksmiðjufólks á Akureyri. Þótt þetta sameinaða félag eigi sér þannig séð ekki langa sögu stendur það á gömlum merg því félögin eiga sér hvort um sig langa og merka sögu í baráttu verkafólks fyrir réttindum sínum. Sögu Iðju má rekja allt aftur til ársins 1936 og er stofndagur félagsins talinn 29. mars það ár. Verkalýðsfélagið Eining varð til 10. febrúar 1963 með sameiningu Verkakvennafélagsins Einingar og Verkamannafélags Akureyrarkaupstaðar. Rætur Einingar ná þó mun lengra aftur og má segja að fyrsta fræinu hafi verið sáð árið 1894 þegar Verkamannafélag Akureyrarkaupstaðar, hið eldra, var stofnað. -
Buðu upp á bakkelsi frá Suður-Ameríku
Andressa Andrade E. Andrade, Celimar Yerlin Gamboa Maturet, Feiruz Nasser Morabito, Haysmar Ledosvkaya Rangel Blanco og Fiora Alessa Pacini Barragán eru í hópi nemenda af erlendum uppruna sem hafa stundað nám í VMA í vetur, m.a. lagt stund á nám í íslensku sem öðru máli. -
Knattsp.deild KA dæmd til að greiða fyrrverandi þjálfara sínum tæpar ellefu milljónir
Knattspyrnudeild KA var í dag dæmd í Héraðsdómi Norðurlands eystra til að greiða fyrrum þjálfara sínum 8,8 milljónir króna auk dráttarvaxta frá 5 nóvember 2023 vegna ágreinings aðila um túlkun á bónusgreiðslum til handa þjálfarans. KA er einning gert að greiða málskostnað þjálfarans fyrrverandi. Aðspurður sagði Hjörvar Maronsson formaður knd KA að verið væri að fara yfir dóminn og vildi að öðru leyti ekki tjá sig um næstu skref.
Athugasemdir