Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan.
„Síðustu árin hafa hulduheimar og þjóðsagnaarfur Íslendinga verið mér hugleikinn og ég hef síðan 2018 skrifað þrjár skáldsögur þar sem ævintýraheimur þjóðsagnanna er fléttaður við raunheima,“ segir Hrund, en fyrsta bókin, ÓGN, ráðgátan um Dísar-Svan kom út í út í miðjum heimsfaraldri haustið 2021. Svipað ástand var uppi á teningnum þegar önnur bókin kom út, farið með varúð í allt samkomuhald og ekki svigrúm fyrir útgáfuhóf. „Nú loksins er hægt að blása til samverustunda og ég læt það tækifæri ekki ganga mér úr greipum,“ segir Hrund. Bækur hennar eru ætlaðar lesendum frá 12 ára aldri og fjalla um unglinga, Svandísi og vini hennar sem lenda í ævintýrum tengdum álfheimum. Í Sögulokum verða leikin lög sem tengjast þjóðtrú og sagnaheimi bóka Hrundar og inn á milli fá hlustendur innlit inn í þjóðsagnarheim þar sem álfar, draugar, skelfilegar kynjaskepnur og skrímsli ráða ríkjum. Með henni verða Jón Þorsteinn Reynisson harmonikkuleikari, Guðrún Hrund Harðardóttir, lágfiðluleikari og Jón Hrói Finnsson, sögumaður.
Í harmonikunámi
Hrund hefur undanfarin ár stundað harmonikkunám við Tónlistarskóla Eyjafjarðar, en fyrr á ævinni hafði hún lært bæði píanóleik og söng. Hún hefur haldið nokkra tónleika, spilað á harmonikkuna og sungið lög sem hún hefur hljómsett þannig að þau henti hennar raddsviði.
„Það verða lesnir textar sem lýsa söguheimi bókanna minna en þar er ég að vinna með ævintýraheiminn sem er að finna í íslenskum þjóðsögum. Eftir hvern lestur er spilað lag sem tengist því sem var verið að lesa um hverju sinni t.d. þegar lesið verður um draugana sem finna má í íslenskum þjóðsögum er sungið og spilað lag um drauga,“ segir Hrund en viðburðurinn tekur um klukkustund og er hugsaður sem skemmtun fyrir alla fjölskylduna.
Á tímamótum
Hrund lætur af störfum sem skólastjóri nú í vor og stendur í ströngu við að pakka búslóð sinni niður og koma fyrir í geymslu. „Það eru tímamóti í mínu lífi,“ segir hún en um mitt sumar heldur hún í ferðalag sem hefst með þriggja mánaða dvöl í Danmörku og þaðan liggur leiðin til Spánar þar sem hún verður í mánuð. Miðbær Reykjavíkur er næstur á dagskrá og eftir áramót segir hún að sé algjörlega óráðið hvað hún taki sér fyrir hendur.
„Hvað tekur við eftir það er algjörlega óvíst, ég veit ekki hvert lífið leiðir mig en ég hlakka til að hefja þessa nýju vegferð,“ segir hún.
Hrund hyggst fást við ritsmíðar næstu mánuði og segir að hugmynd að nýrri bók hafi skotið upp kollinum. „Nú sný ég mér frá þjóðsögunum og ungmennaævintýrunum og ætla að skrifa bók fyrir fullorðna sem fjallar um leitina að ástinni á öllum tímum ævinnar. Þetta verður skvísubók en inn í söguna verður fléttað sögu um ástarævintýri ungs hermanns sem kemur til Íslands árið 1943,“ segir Hrund.
Menningarmálanefnd Eyjafjarðarsveitar og Norðurorka styrkja viðburðinn í Laugarborg, en hátíðin hefst kl. 15 og veður endurtekinn kl. 17. Miðar eru seldir á tix.is og verði stillt í hóf.
Nýjast
-
Frumkvöðla- og nýsköpunarfélaginu Drift EA ýtt úr vör
Fjölmenni var á kynningarfundi frumkvöðla- og nýsköpunarfélagsins Driftar EA, sem haldinn var í menningarhúsinu Hofi á Akureyri í gær -
Útskrifast sem rafvirki og fagnar hálfrar aldar afmæli!
Það er aldrei of seint að skella sér í nám og láta draumana rætast. Þetta eru skilaboð Andreu Margrétar Þorvaldsdóttur, sem mun útskrifast sem rafvirki frá VMA í næstu viku. Það er í mörg horn að líta fyrir Andreu þessa dagana því auk þess að ljúka náminu með formlegum hætti undirbýr hún sig núna af krafti fyrir sveinspróf í rafvirkjun í byrjun júní og einnig fagnar hún fimmtugsafmæli sínu nk. föstudag. Stórafmælis- og útskriftarveisla er því á dagskránni nk. laugardag. -
Opnun í Verksmiðjunni á Hjalteyri 18 maí kl 14:00 Sasha Pirker: Ég legg höfuðið í bleyti_I Soak My Head
Sasha Pirker lýsir upp Verksmiðjuna með úrvali kvikmyndainnsetninga og staðbundinni svörun við aðstæðum sem nær yfir síðustu tíu ár starfsferils hennar. Þessi verk bera vitni ekki aðeins víðtækri forvitni listamannsins og rannsóknartilfinningu, heldur eru þau einnig grundvölluð á bakgrunni hennar í málvísindum. Hugsun í gegnum tungumál, tilraunakennda frásögn, persónulegt og byggingarfræðilegt rými og möguleika, verk Sasha sýna næmni fyrir reynslu, þekkingu og skilningi. Þau eru stundum persónuleg eða viðkvæm og gefa þá tilfinningu að kvenlinsan sem kvikmyndir hennar verða og eru til í gegnum séu bæði hugsandi og óvænt, nýstárleg og umvefjandi. -
Samið um stækkun húsnæðis við VMA.
Í dag, föstudaginn 17. maí kl. 14.30 fer fram hátíðleg athöfn þar sem skrifað verður undir samning um stækkun á húsnæði skólans. Mennta- og barnamálaráðherra ásamt bæjarstjóranum á Akureyri og sveitarstjórum í Fjallabyggð, Dalvíkurbyggð, Eyjafjarðarsveit, Hörgársveit, Svalbarðsstrandarhreppi og Grýtubakkahreppi munu skrifa undir samning um byggingu 1500m2 húsnæðis við skólann. -
Kirkjugarðar Akureyrar í rekstrar vanda og næsta skref að loka líkhúsinu
„Hvað verður um líkin?“ er spurning sem Akureyringar og nærsveitarmenn velta fyrir sér þessa dagana, en Kirkjugarðar Akureyrar sem reka líkhús og kapellu á Naustahöfða eru í rekstravanda vegna fjárskorts. Kirkjugörðunum er óheimilt að innheimta þjónustugjald vegna starfsemi líkhúsanna. Einkaaðilar gætu innheimt slíka gjöld en fáir hafa áhuga á að reka líkhús hér á Akureyri. Engin leið önnur er út úr vandanum nema sú að hætta rekstri líkhússins. Stefnir í að skellt verði í lás grípi Alþingi ekki í taumana á vorþingi og geri Kirkjugörðum heimilt að innheimta þjónustugjaldið eða leggja til fjármagn til starfseminnar. -
Fann sig í sálfræði og flýgur nú út í frekara nám
Þegar Emma var ung ætlaði hún að verða læknir eins og langafi. Í menntaskóla áttaði hún sig á því að líffræði væri alls ekki fag sem hún hafði gaman af og þá læknisfræðin ekki það sem fyrir henni lægi. Emma hafði hins vegar mjög gaman af sálfræðinni og eftir einn tímann kom kennarinn upp að Emmu, tjáði henni hversu efnileg hún væri á því sviði og fékk hana til að íhuga frekara nám í fræðunum. -
Bergur Þór Ingólfsson er nýr leikhússtjóri hjá LA
Bergur Þór Ingólfsson er nýr leikhússtjóri Leikfélags Akureyrar. Bergur Þór tekur við af Mörtu Nordal sem hefur gengt starfinu síðustu í sex árin. -
Kylfingar geta tekið gleði sína, Jaðarsvöllur opnar n.k. þriðjudag
Kylfingar á Akureyri geta nú heldur betur tekið gleði sína því stefnt er að þvi að opna Jaðarsvöll n.k þriðjudag samkvæmt þvi sem segir á heimasíðu Golfklúbbs Akureyrar. -
Viðræður eru hafnar um hugsanlegan samruna Samkaupa, Heimkaupa og Orkunnar
Frá þessu segir í tilkynningu frá Samkaupum en þar sem kemur fram að s.l. mánuði hafi Samkaup hf. og Skel fjárfestingarfélag rætt um kosti og galla hugsanlegan samruna fyrirtækjanna.
Athugasemdir